MATOKEO YA DARASA LA SABA YA TOKA

ARUSHA	DAR ES SALAAM	DODOMA
IRINGA	KAGERA	KIGOMA
KILIMANJARO	LINDI	MARA
MBEYA	MOROGORO	MTWARA
MWANZA	PWANI	RUKWA
RUVUMA	SHINYANGA	SINGIDA
TABORA	TANGA	MANYARA
GEITA	KATAVI	NJOMBE
SIMIYU

WANAFUNZI 65 KUONDOKA KWA MASOMO NCHINI CHINA

WANAFUNZI 65 KUONDOKA KWA MASOMO NCHINI CHINA

 Mkurugenzi Mtendaji wa Global Link Education (GEL),Abdulmaalik Mollel akizungumza na mzazi wa mwanafunzi wa anyekwenda kusoma nchini China,leo jijini Makao ya Makuu ya GEL jijini Dar es Salaam.

 Mkurugenzi Mtendaji wa Global Link Education (GEL),Abdulmaalik Mollel akizungumza na wazazi na wanafunzi wanaotarajia kuondoka Oktoba 28 kwenda kusoma masomo ya elimu ya juu yalifanyika makao Makuu ya GEL  leo jijini Dar es Salaam.

 Wazazi na Wanafunzi. wakimsikiliza Abdulmaalik Mollel

 Sehemu ya wazazi na wanafunzi  wanaokwenda nchini China kwa masomo ya elimu ya juu wakimsikiliza Mkurugenzi Mtendaji wa Global Link Education (GEL),Abdulmaalik Mollel hayupo pichani leo makao makuu GEL leo jijini Dar es Salaam.

 Wanafunzi wakiuliza swali kwa masomo wanayokwenda kusoma katika vyuo vya nje  leo jijini Dar es Salaam.

 

Watoto wanaotoka familia maskini Longido

Watoto wanaotoka familia maskini Longido washindwa kuhudhuria masomo.

Asilimia kubwa ya  watoto  wanaotoka  katika  familia  maskini   wilayani  Longido mkoani Arusha  wanashindwa  kuhudhuria  masomo  kutokana  na changamoto zinazowakabili  wazazi  wao likiwemo  tatizo  la njaa,ukosefu wa huduma ya maji,na Afya. 

Wakizungumza wakati wanapokea msaada wa zaidi ya milioni  230  zilizotolewa na mfuko wa Tassaf baadhi ya wananchi wa vijiji vinavyokabiliwa na matatizo hayo pamoja  na  kuushukuru  mfuko wa  Tasafu  wamesema  ukosefu wa huduma  za kijamii bado  ni janga   kubwa  kwao na watoto wao.

Baadhi ya viongozi wamesema pamoja  na  kusisitiza  wazazi  kupeleka watoto  wao shule wanatembea  umbali mrefu  na wanapofika  shule  wanasinzia badala  ya  kumsikiliza  mwalimu  na jambo  lililoko wazi  kuwa  hawataweza kufanya vizuri.

Wakikabidhi  fedha hizo  mkurugenzi  wa halmashauri  ya  wilaya  ya  longido  bw.Felexs Kimario na watendaji  wa Tasaff  wamesema  vijiji  27  vimefikiwa  na  mpango  huo na kaya 259  zimepatiwa  msaada  huo  ambao ni  kwa ajili  ya kusaidia elimu afya na kujikimu.

Longido ni miongoni  mwa wilaya za  mkoa wa Arusha  zinazokabiliwa  na tatizo  kubwa  la  ukosefu  wa huduma  za  kijamii  ikiwemo  maji,miundombinu  ya  elimu na Afya.

MO DEWJI FOUNDATION YATANUA MBAWA

MO DEWJI FOUNDATION YATANUA MBAWA, YASAIDIA UBORESHAJI WA KITUO CHA FURAHINI MKOANI K'NJARO

  Baadhi ya vijana hao wakiwa darasani wakifurahia masomo wanayopatiwa ya kujiandaa na elimu ya sekondari katika kituo hicho cha Furahini mkoani Kilimanjaro.

 Baadhi ya vijana hao wakiwa darasani wakiendelea na masomo katika jengo la kituo hicho cha Furahini ambacho kinatarajiwa kukabaratiwa na kwa msaada wa Mo Dewji Foundation

Eneo la jengo hilo la kituo linavyoonekana kwa nje.

Ukame uliitafuta Kisangara kwa muda mrefu umesababisha kasi kubwa ya umaskini. Kutokana na hali hiyo watoto wameathirika zaidi kutokana na familia zao kushindwa kuwapeleka shule binafsi na kuwaacha katika shule za umma ambazo hazina ubora.

 Ukarabati wa kituo hicho ukianza baada ya Mo Dewji Foundation kukipiga tafu.

 Mratibu wa Furahini Youth Learning Centre, Isiaka Msuya katika zoezi la kupakia matofali kwa ajili ya ukarabati wa kituo hicho kwa msaada wa Mo Dewji Foundation.

ELIMU YA STADI ZA MAISHA KUOKOA KUNDI KUBWA LA VIJANA WALIO NJE YA SHULE

ELIMU YA STADI ZA MAISHA KUOKOA KUNDI KUBWA LA VIJANA WALIO NJE YA SHULE

Afisa vijana kutoka Wizara ya Habari, Vijana, Utamaduni na Michezo Bw. Godfrey Massawe (aliyesimama) akifuatilia majadiliano ya wawezeshaji kitaifa wakati wa kazi za kikundi kwenye Mafunzo ya Uwezeshaji wa Stadi za Maisha yaliyofanyika Kanda ya Ziwa.

ILIGUNDULIKA kuwa ulimwenguni kote na hususan nchini Tanzania, Vijana walio nje ya shule ni miongoni mwa makundi yaliyo katika hatari ya magonjwa yanayoenea kwa njia ya ngono, VVU na UKIMWI kwa kutokuwa na taarifa na stadi za kuwaongoza hivyo kupoteza kundi kubwa la vijana ambalo ni taifa la kesho.

Ufumbuzi wa tatizo hili umeweza kufanyika kwa kuwapa vijana stadi za maisha zenye upeo mpana wa maarifa na stadi zinazoweza kuwasaidia vijana kuendana na mazingira shindani yanayobadilika.

Stadi za maisha ni moja kati ya mikakati iliyobainika kuleta mabadiliko ya tabia za mtu. Stadi hizi uhusisha stadi na uwezo wa kujenga tabia njema ili kuepukana na matatizo yaliyopo katika maisha ya kila siku.

Mkabala wa stadi za maisha unalenga katika kuendeleza na kukuza stadi zinazoitajika katika mahitaji ya maisha ya kila siku kama vile mawasiliano, kufanya maamuzi, fikra, kuhimili mihemko, uthubutu, ujenzi wa kujiamini, kuzuia shinikizo rika pamoja na mahusiano.

Mkabala huu pia unashughulikia ukuaji wa mtu ili awe na stadi za kumwezesha kutumia aina zote za taarifa kuhusiana na masuala kama vile magonjwa ya ngono, VVU na UKIMWI.

Mahitaji ya stadi za maisha miongoni mwa vijana ni mengi na yanatofautiana baina ya vijana wadogo na wakubwa, vijana walio nje ya shule na walio shuleni, pamoja na walio na wasio katika ndoa hivyo kupelekea kuwa na viwango vya mafunzo ya stadi za maisha vilivyopendekezwa na kubuniwa kuwanufaisha vijana wasio mashuleni.

Wizara inayosimamia masuala ya vijana imekua ikitoa mafunzo ya stadi za maisha kwa vijana walio nje ya shule ili kuwapa vijana stadi za kukabiliana na changamoto za kila siku katika maisha yanayowazunguka.

Wizara ya Habari, Vijana, Utamaduni na Michezo kwa kushirikiana na shirika la umoja wa mataifa linaloshughulikia idadi ya watu duniani (UNFPA) wameweza kufikisha elimu ya stadi za maisha kwa wawezeshaji wa kitaifa kutoka kanda ya Ziwa hivi karibuni ili kuweza kusambaza elimu hiyo kwa vijana walio nje ya shule maeneo yote ya kanda ya ziwa hivyo kuwawezesha vijana kukabiliana na dunia hii ya sasa ya sayansi na teknolojia.

Akifungua mafunzo ya wawezeshaji kitaifa kutoka kanda ya Ziwa yaliyofanyika Mkoa wa Mwanza hivi karibuni Katibu Mkuu Wizara ya Habari, Vijana, Utamaduni na Michezo Bibi. Sihaba Nkinga aliwataka wawezeshaji kitaifa wa stadi za maisha kuwasaidia vijana kujitoa katika mitazamo hasi na kuleta mabadiliko chanya katika jamii kwani vijana ndio nguvu kazi ya Taifa hili.

“Vijana wakijiimarisha katika shughuli za kijamii na kiuchumi wataepuka kuzungukwa na vihatarishi vya maisha kama vile VVU na Ukimwi, mimba zisizotarajiwa pamoja na dawa za kulevya hivyo kujenga nchi kwa kutumia nguvu kazi ya vijana” alisema Bibi. Nkinga.

Mafunzo ya stadi za maisha yamekua yakiongeza hali ya kujiamini kwa vijana na kutoa mbinu za kukabiliana na matatizo ya maisha kwa kuwapa vijana uwezo wa kutumia muda wao kikamilifu kuzungumza na watu wasiowajua kuliko ilivyokua hapo awali.

Aidha Bibi. Nkinga alisema kuwa matarajio ya serikali ni kuona vijana wa kitanzania  wanajitambua kua wao ni nani, wanaenda wapi, na watafikaje kwa kujua uwezo na udhaifu binafsi walionao ili  waweze kupanga malengo waliyonayo na kuyatekeleza kulingana na fursa zilizopo.

Vijana wanaopata fursa ya kuwezeshwa katika stadi za maisha wameongeza viwango vyao vya stadi za kujitambua na uwezo wa kuwasiliana na watu wa rika zote hivyo kubadili tabia za vijana wa rika mbalimbali.

Mkurugenzi Maendeleo ya Vijana kutoka Wizara ya Habari, Vijana, Utamaduni na Michezo Bw. James Kajugusi amesema kuwa kila kijana ana sifa za kujiunga na mafunzo ya stadi za maisha zitakazowawezesha kukataa visingizio kama vile umasikini, maradhi na masuala yanayoshauriwa na marafiki ambayo yanaweza kuwaingiza katika vishawishi.

Bw. Kajugusi amesema  kuwa Mafunzo ya stadi za maisha yamelenga kupata waelimishaji wa kitaifa wa stadi za maisha watatu kutoka kila mkoa katika mikoa yote ya Tanzania bara ambao watawafikia waelimishaji rika wa kila mkoa ili kuweza kufikisha elimu waliyoipata kwa vijana wa rika mbalimbali katika Mikoa, Wilaya, kata, vijiji, vitongoji, mitaa, vijiwe na sehemu rasmi za shughuli za vijana.

Stadi za maisha zinaweza kuwekwa katika makundi matatu ambayo ni stadi za maisha kwa ajili ya kujitambua, kwa ajili ya fikra na kwa ajili ya mahusiano baina ya watu hivyo kwa pamoja aina hizi huweza kutoa majibu kwa vijana kuwa wao ni nani, wanataka kwenda wapi na watafikaje hapo wanapotaka kwenda.

Kaimu Katibu Tawala Mkoa wa Mwanza Bibi. Susan Ndunguru amesema kuwa vijana waliopata mafunzo ya uwezeshaji wa stadi za maisha ni mabalozi ambao kama watatumia vizuri uwezo walioupata katika mafunzo hayo watabadili fikra za vijana wengi nchini hivyo kuweza kujenga taifa lenye afya nzuri, weledi pamoja na ujuzi.

Stadi za maisha humjenga kijana kufanya maamuzi sahihi hivyo kuondokana na majuto na kumfanya kuwa huru katika kutoa maamuzi binafsi.

Kwa kawaida stadi za maisha humpa kijana mwitikio wa uthubutu unaompa fursa ya kusimamia anachotaka au anachoamini bila kumdharau au kuumiza kihisia mtu mwingine.

Mtaalamu wa masuala ya Stadi za Maisha Bw. Benny Lugoe amesema kuwa  wawezeshaji wa kitaifa waliopata Mafunzo ya Stadi za Maisha wana ari na motisha ya kujifunza na kama wataendelea kuwa na ari hiyo watakua wabunifu na wawezeshaji wazuri kwa vijana ndani ya jamii wanazoishi.

Aidha Mwezeshaji wa Kitaifa wa Stadi za Maisha kutoka Mkoa wa Shinyanga Bw. Ezra Manjerenga amesema kuwa vijana wa Mkoa wa Shinyanga wamekua wakikabiliwa na ukosefu wa elimu ya afya ya uzazi hivyo ugeni wa mafunzo ya stadi za maisha katika Mkoa huo utawavutia vijana wengi jambo ambalo litapelekea kutimiza lengo la serikali kufikisha mafunzo hayo kwa vijana wa rika mbalimbali.

Stadi za maisha zinatoa fursa kwa vijana kupata taarifa za afya ya uzazi na upatikanaji wa huduma ya afya ya uzazi, pia humpa kijana haki ya kutambuliwa, kusikilizwa na kuheshimiwa utu wake bila kujali kiwango cha elimu, hadhi yake au sifa nyingine itakayombagua na kumuweka katika mazingira hatarishi.

Vijana waliopata mafunzo ya stadi za maisha wamepewa dhamana na serikali kwenda kuwatumikia vijana na kuhakikisha kuwa uhamasishaji wa mabadiliko chanya miongoni mwao ili kuweza kuachana na tabia zote hatarishi na kushiriki vyema kwenye shughuli za uzalishaji mali.

Serikali inatambua kuwa vijana ni rasilimali muhimu kwa ajili ya ukuaji wa uchumi na kwa ajili ya maendeleo ya nchi kwa ujumla hivyo kusimamia kwa ukaribu zaidi elimu ya stadi za maisha kwa vijana wote nchini. 

 

MAHAKAMA YA HAKI ZA BINADAMU YAADHIMISHA SIKU YA HAKI ZA BINADAMU AFRIKA JIJINI ARUSHA

MAHAKAMA YA HAKI ZA BINADAMU YAADHIMISHA SIKU YA HAKI ZA BINADAMU AFRIKA JIJINI ARUSHA

 Wanafunzi wa Shule ya Msingi Mariado na walimu iliyopo Usa River ,wilaya ya Arumeru mkoa wa Arusha wakiwa katika picha ya pamoja waliposhiriki maadhimisho ya Siku ya Haki za Binadamu barani Afrika katika Mahakama ya Afrika ya Haki za Binadamu iliyofanyika Oktoba 21 na kudai haki za wenye ulemavu wa ngozi(Ualibino) kulindwa kama wananchi wengine.

 Mwanafunzi Kelvin wa shule ya Mariado akiimba wimbo Umoja wa Afrika(AU)ambao ni maalumu wakati wa shughuli za umoja huo zinapofanyika.

 Kamishna wa Tume ya Haki Binadamu na Utawala Bora,Zanzibar ,Mohamed Khamis Hamad akizungumza katika maadhimisho hayo.

Wanafunzi wa Shule ya Mchepuo wa kiingereza ya St.Jude ya Jijini Arusha wakiigiza athari za watoto wa kike kukeketwa.

Wanafunzi wa Shule ya Mchepuo wa kiingereza ya St.Jude ya Jijini Arusha wakiigiza athari za watoto wa kike kukeketwa.

PICHA ZA SIKU JE ZINAKUKUMBUSHA WAPI?

 

WANAFUNZI WA ST. JOSEPH WACHANGIA CHUPA 125 ZA DAMU MUHIMBILI

WANAFUNZI WA ST. JOSEPH WACHANGIA CHUPA 125 ZA DAMU MUHIMBILI

Balozi wa Tanzania nchini Afrika Kusini, Radhia Msuya akiwa na wanafunzi wanaosoma kwenye shule hiyo hivi sasa. Kutoka kulia ni Benjamin Fred, Maria Joseph na Vanessa Elieza Mwakila. 

 Mmoja wa wanafunzi akichangia damu jijini Dar es Salaam kwa ajili ya kuokoa maisha ya wagonjwa wanaopatiwa matibabu katika Hospitali ya Taifa ya Muhimbili (MNH)

 Balozi wa Tanzania nchini Afrika Kusini, Radhia Msuya akitoa damu leo jijini Dar es Salaam katika shule ya St. Joseph Cathedral High School zamani ikijulikana Shule ya Sekondari Forodhani. Balozi Msuya ambaye alisoma kwenye shule hiyo mwaka 1975 ni mmoja wa wanafunzi wa zamani waliojitokeza kutoa damu ili kuokoa maisha ya wagonjwa wanaotibiwa Katika Hospitali ya Taifa ya Muhimbili (MNH).

WANAFUNZI waliosoma St. Joseph Cathedral High School zamani ikijulikana Shule ya Sekondari Forodhani leo wamejitokeza kuchangia damu ili kuokoa maisha ya Watanzania ambao wanahitaji damu.

Wanafunzi wanaosoma kwenye shule hiyo hivi sasa kwa kushirikiana na wenzao wa zamani wamefanikiwa kutoa chupa 125 za damu.

Akizungumzia katika uchangiaji wa damu shuleni hapo , Mkuu wa Kitengo cha Mawasiliano ya Umma katika Hospitali ya Taifa ya Muhimbili (MNH), Aminiel Aligaesha amesema suala la damu ni changamoto kwani hospitali hiyo inahitaji wastani damu wa chupa 100 kila siku na kwamba kwa siku hivi sasa zinapatikana chupa 24 hadi 40.

Alifafanua kwamba hivi sasa hospitali hiyo inakabiliwa na upungufu wa wastani wa chupa 60 za damu kwa siku.

Kutokana na hali hiyo amewaomba Watanzania kuendelea kujitokeza kuchangia damu ili kuokoa maisha ya Watanzania kwani suala hilo linagusa maisha ya watu wote.

Ametaja makundi ambayo huitaji damu kwa haraka kuwa ni wagonjwa wa dharura, mama wajawazito, watoto na wagonjwa wa saratani.

Aligaesha amewashukuru wanafunzi hao na wale wanaosoma hivi sasa kwenye shule hiyo kwa kujitokeza kwa wingi kuchangia damu na kusisitiza kuwa kitendo walichokifanya ni cha kuigwa.

Kwa upande wa wanajumuia waliosoma shuleni hapo wamesema wameamua kujitokeza kuchangia damu ili kuwahamasisha wanafunzi kuwa na utamaduni wa kujitolea katika jamii jambao ambalo hivi sasa limefifia.

Aidha kwa upande wa MNH imekuwa ikitoa matangazo mbalimbali ili Watanzania wajitokeze kuchangia damu kwa wagonjwa wanaopatiwa matibabu kwenye hospitali hiyo.

Katika shughuli ya leo, Balozi Msuya alifika katika shule hiyo na kuchangia damu kama walivyofanya wanafunzi wengine waliosoma hapo miaka 1950.

Balozi huyo alisoma katika shule hiyo mwaka 1975, baadhi ya wanafunzi wengine ni Mariam Zialora ambaye amesoma hapo 1964, Glen Dias mwaka 1954, Saada Jaha mwaka 1970, Albertina Doarado mwaka 1968, Solomon Mihayo mwaka 1990, Tahir Othman 1990, Edith Mabena mwaka 1992, Edward Makwani mwaka 1970 na Ephrahim Tumwidike mwaka 2012.

Leo wanafunzi hao wa zamani wameonyesha upendo wa hali ya juu kuungana na wanafunzi wanaosoma kwenye shule hiyo hivi sasa katika kuchangia damu. Uamuzi huo wa wanafunzi hao wa zamani unapaswa kuigwa na shule nyingine kwa lengo la kuokoa maisha ya wagonjwa wanaohitaji damu.

Shughuli ya kuchangia damu leo imefanywa na Hospitali ya Taifa ya Muhimbili kwa kushirikiana na Mpango wa Taifa wa Damu Salama (NBTS).

 

AIRTEL KUPITIA MRADI WA TUNAKUJALI WAENDELEA KUSAIDIA SHULE HAPA NCHINI

AIRTEL KUPITIA MRADI WA TUNAKUJALI WAENDELEA KUSAIDIA SHULE HAPA NCHINI

 

Mkurugenzi Mtendaji wa Airtel Tanzania, Sunil Colaso akikata utepe kama ishara ya kukabidhi darasa la awali ‘Chekechea’, lililokarabatiwa kwa hisani ya Wafanyakazi wa Airtel kama sehemu ya huduma kwa jamii, katika Shule ya Msingi Kumbu Kumbu iliyopo Block 41, jijini Dar es Salaam jana. Wanaoshuhudia ni Mwalimu Mkuu wa shule hiyo, Priscilla Moshi (wa pili kushoto), Mwenyekiti wa Shule, Mwemba Mwilima (wa tatu kushoto), Wafanyakazi wa Airtel na watoto wa chekechea.

 

 

 Wafanyakazi wa Airtel wakifurahi na watoto wa Chekechea katika Shule ya Msingi Kumbukumbu, baada ya kukabidhi darasa la awali ‘Chekechea’, lililokarabatiwa kwa hisani ya Wafanyakazi hao, kama sehemu ya huduma kwa jamii, katika shule hiyo iliyopo Block 41, jijini Dar es Salaam jana.

 

 

Mkurugenzi Mtendaji wa Airtel Tanzania, Sunil Colaso (kulia), Mwalimu Mkuu wa Shule ya Msingi Kumbukumbu, Priscilla Moshi (kushoto) na Mkurugenzi wa Raslimali Watu wa Airtel Tanzania, Patrick Foya (wa pili kulia), wakiwa na watoto wa Chekechea, baada ya kukabidhi darasa la awali ‘Chekechea’, lililokarabatiwa kwa hisani ya Wafanyakazi wa Airtel kama sehemu ya huduma kwa jamii, katika shule hiyo iliyopo Block 41, jijini Dar es Salaam jana.

 Mkurugenzi Mtendaji wa Airtel Tanzania, Sunil Colaso akizungumza kabla ya kukabidhi darasa la awali ‘Chekechea’ lililokarabatiwa kwa hisani ya Wafanyakazi wa Airtel kama sehemu ya huduma kwa jamii, katika Shule ya Msingi Kumbu Kumbu iliyopo Block 41, jijini Dar es Salaam jana.

 

WANAFUNZI WA SHULE YA SEKONDARI AZANIA WAJIFUNZA KUKABILIANA NA MAJANGA YA MOTO

 Mwanafunzi wa shule ya Sekondari Azania ya jijini Dar-es-Salaam akizima moto kwa kutumia kizimia moto cha aina ya dry powder baada ya kupewa mafunzo ya kukabiliana na majanga ya moto kutoka Jeshi la Zimamoto na Ukoaji mkoa wa Ilala

 Wanafunzi wa shule ya Secondari Azania ya jijini Dar-es-Salaam wakizimamoto kwa kutumia blanketi ya kuzimia moto baada ya kupewa mafunzo ya kukabiliana na majanga ya moto kutoka Jeshi la Zimamoto na Uokoaji mkoa wa Ilala.

 Tayari tumeuzima walisikika wanafunzi wa shule ya Sekondari Azania jijini Dar-es-Salaam baada ya kufanikiwa kuuzima moto kwa kuufunika kwa kutumia blanketi maalumu, huku wakishangiliwa mafunzo hayo utolewa na Jeshi la Zimamoto na Uokoaji nchini bila malipo yoyote

WAZIRI MKUU,MIZENGO PINDA AFUNGUA MAKTABA YA KOMPYUTA KATIKA SHULE YA SEKONDARI YA LUGOBA MKOANI PWANI

WAZIRI MKUU,MIZENGO PINDA AFUNGUA MAKTABA YA KOMPYUTA KATIKA SHULE YA SEKONDARI YA LUGOBA MKOANI PWANI 

  Waziri Mkuu, Mizengo Pinda akizungumza katika sherehe za kukabidhi maktaba ya Komyuta katika shule ya sekondari ya Lugoba mkoani Pwani

Waziri Mkuu,Mizengo Pinda akifungua maktaba  ya kompyuta katika shule ya sekondari ya Lugoba mkoani Pwani iliyopatikana kwa ufadhili wa Kampuni ya Mawasiliano ya  simu ya Vietnam ya Halotel .Kushoto ni Waziri wa Habari na Mawasiliano wa Vietinam, Nguyen Bac Son  na wapili kulia ni Waziri  wa Mawasiliano, Sayansi na Tekinolojia, Profesa makame Mbarawa.

RAIS MH.ALI HASSAN MWINYI AONGOZA MATEMBEZI YA ROTARY DAR MARATHON

RAIS WA AWAMU YA PILI MH.ALI HASSAN MWINYI AONGOZA MATEMBEZI YA ROTARY DAR MARATHON DAY NA MAKUNDI MBALI MBALI WAKIWEMO WANAFUNZI WA SHULE MBALI MBALI JIJINI DAR ES SALAAM.

 Rais wa awamu ya pili Mh.Ali hassan Mwinyi akipunga Bendera ya Taifa kuashiria matembezi ya Rotary Dar Marathon yanaanza.

 Mh.Rais wa awamu ya pili Ali Hassan Mwinyi akiwa katika mwendo wa taratibu katika matembezi ya Rotart Dar Marathon.

 Wanafunzi wa shule za Msingi na Secondary jiji dar es salaam wakiwa katika furaha wakikalibia kumaliza matembezi ya Rotary Dar Marathon.

 Wananchi wa makundi mbali mbali wakiwa katika matembezi ya Rotary Dar Marathon.

wa

wanafunzi wakishangilia baada ya kufanikisha kutembea kilomita 5 na wengine 9 katika matembezi ya Rotary Dar Marathon.

Watoto wa shule ya awali ya Genesisi wapata mafunzo ya awali ya kuzima moto

 Mkaguzi Msaidizi Idd Chanyika wa Jeshi la Zimamoto na Uokoaji akielekeza watoto wa shule ya awali GENESIS jinsi ya kukabiliana na moto wa hatua ya awali, mafunzo yaliyofanyika katika kituo cha Zimamoto na Uokoaji Ilala jijini Dar es Salaam.

Mkaguzi Msaidizi Idd Chanyika wa Jeshi la Zimamoto na Uokoaji kutoka Mkoa wa Zimamoto Ilala akielekeza watoto kutoka shule ya awali ya GENESIS waliotembelea kituoni hapo jinsi ya kutumia vazi la kujikinga na sumu pamoja na bacteria hatari.