WANAFUNZI WA SUA WALITOKA SJUIT WAPIGA KAMBI BODI YA MIKOPO.

Na Asnain Chionda JR.

 

Wanafunzi wanaosoma katika Chuo kikuu cha Sokoine cha Kilimo(SUA) Waliohamishiwa na Serikali chuon hapo wakitokea chuo kikuu cha mtakatifu Joseph tawi la Songea,  Leo wamepiga kambi katika bodi ya mikopo ya wanafunzi wa elimu ya Juu (Heslb) wakishinikiza bodi hiyo kuwalipa pesa zao za kujikimu walizocheleweshewa kwa kipindi cha Miezi minne. 

Wanafunzi hao ambao wanasoma chuon hapo wameshindwa kuendelea kuvumilia kukaa chuoni hapo kwa ahadi za kila siku kutoka bodi hiyo.

Aidha, wanafunzi hao ambao wameamua kupanda basi kutoka Chuon kwao Morogoro had Dar es salaam zilipo ofisi hizo, wamesikitishwa na kitendo cha bodi ya mikopo kutokuwajali na kushughulikia matatizo ya wanafunzi hao kwa muda huo wote tangu walipowasili chuoni hapo mapema mwezi wa Tatu mwaka huu hali iliyowalazimu wanafunzi hao kupiga kambi ofisini hapo.

Hadi kufikia muda ambao taarifa hizi zinapelekwa kwenye mitambo ya Scholars Blog,  wanafunzi hao bado wapo katika ofisi za bodi hiyo wakisubiri mrejesho kutoka kwa mtendaji mkuu wa bodi anaehusika na utoaji wa pesa hizo kwa wanafunzi ambae ameahidi kushughulikia Suala hilo haraka iwezekanavyo.

 

 

 

 

 

 

Afisa wa Bodi ya Mikopo akitoa maelekezo kwa wanafunzia hao.