RAIS DKT JAKAYA KIKWETE AZINDUA RASMI SHULE YA SEKONDARI YA WASICHANA WAMA SHARAF LINDI

RAIS DKT JAKAYA KIKWETE AZINDUA RASMI SHULE YA SEKONDARI YA WASICHANA WAMA SHARAF LINDI

 Mke wa Rais na Mwenyekiti wa Bodi ya WAMA, Mama Salma Kikwete akipokewa na Mkuu wa Wilaya ya Lindi Ndugu Yahaya Nawanda baada ya kuwasili kwenye eneo la Shule ya Sekondari ya Wasichana WAMA Sharaf huko Lindi Mjini kwenye sherehe ya uzinduzi rasmi wa shule.

 Rais Dkt. Jakaya Kikwete akisalimiana na Bwana Ibrahim Sharaf, Rais wa Sharaf Group of Companies ya nchini Dubai mara baada ya kuwasili kwenye Shule ya Sekonadi ya Wasichana WAMA Sharaf huko Lindi. Rais Kikwete alikuwa mgeni rasmi katika sherehe ya uzinduzi wa Shule hiyo.

 Rais Dkt. Jakaya Kikwete akiondoa kitambaa kwa kushirikiana na Bwana Ibrahim Sharaf aliyefadhili ujenzi wa Shule ya Wasichana ya WAMA Sharaf ikiwa ni ishara ya kuizindua rasmi. Baadaye Rais Dkt. Kikwete akishirikiana na viongozi wengine walisaidia ujenzi wa shule hiyo kukata utepe ikiwa ni mwendelezo wa sherehe za ufunguzi rasmi wa shule hiyo huko Lindi.

 Rais DKT. Jakaya Kikwete akifuatana na Bwana Sharafuddin Sharaf na wageni wengine wakitembelea shule.

 Rais Dkt. Jakaya Kikwete na wageni waalikwa wakiangalia wanafunzi wakifanya majaribio mbalimbali ya masomo ya sayansi kwenye Shule ya Sekondari ya Wasichana ya WAMA Sharaf huko Lindi baada ya kufunguliwa rasmi.

 Rais Dkt. Jakaya Kikwete na Mkewe Mama Salma wakiwatembeza wageni waalikwa sehemu mbalimbali za shule hiyo.

Rais Dkt. Jakaya Kikwete akitoa tunzo maalum kwa Kampuni ya Sharaf Group ya Dubai kwa msaada wao wa kujenga shule hiyo huko Lindi.